पंढरपूर /- राष्ट्रवादी काँग्रेस शरदचंद्र पवार गटाचे नेते तथा श्री विठ्ठल सहकारी साखर कारखान्याचे चेअरमन श्री.अभिजीत पाटील यांच्या माध्यमातून पंढरपूर शहरामध्ये स्टेशन मज्जिद, बडा कब्रस्तान याठिकाणी रमजाननिमित्त इफ्तार पार्टींचे आयोजन करण्यात आले होते.
सामाजिक कार्यात पाटील हे नेहमीच अग्रेसर राहिलेले दिसून येतात. सर्वधर्म समभाव हा त्यांच्या कार्याचा स्थायीभाव आहे, हे पुन्हा एकदा त्यांच्या या उपक्रमातून सिद्ध झाले..या अनुषंगाने सर्वत्र अत्यंत उत्साहाचे आणि आनंदाचे वातावरण असून हिंदू मुस्लिम बांधवांत दिसून आले. समता आणि सामाजिक बंधुत्व यांची प्रगाढ वीण गुंफणाऱ्या पवित्र रमजान महिन्यात इफ्तार पार्टी निमित्त सर्व मुस्लिम बांधवांना भेटून अभिजीत पाटील यांनी शुभेच्छा दिल्या.
