सांगोला येथे आमदार शहाजीबापू पाटील यांच्या शुभहस्ते समृद्धी ट्रॅक्टर शोरूमचा नूतनीकरण समारंभ संपन्न
सांगोला: सांगोला तालुक्यात समृद्धी ट्रॅक्टर्सचा नूतनीकरण समारंभ सांगोल्याचे आमदार शहाजीबापू पाटील, मा.आमदार दीपक आबा साळुंखे-पाटील, युवा नेते बाबासाहेब देशमुख, धाराशिव साखर कारखान्याचे चेअरमन अभिजीत पाटील यांच्या शुभहस्ते पार पडला. सांगोला तालुक्याचे आमदार शहाजीबापू पाटील, मा. आमदार दिपक आबा साळुंखे-पाटील, जि.प.सदस्य अतुल पवार या प्रमुख मान्यवरांनी याप्रसंगी शुभेच्छा देत मनोगत व्यक्त केले.
भारत देश हा कृषीप्रधान देश म्हणून ओळखला जातो. तर शेतकरी हा येथील अर्थव्यवस्थेचा कणा आहे. समृद्धी ट्रॅक्टरच्या माध्यमातून सांगोला येथील शोरूम नूतनीकरणाचा शुभारंभ करण्यात आला. अनेक वर्ष्यापासून शेतकऱ्यांच्या हितासाठी व शेतकऱ्यांचे आर्थिकमान उंचवण्यासाठी ग्राहक हाच आपला मुख्य मानून समृद्धी ट्रॅक्टर कार्यरत आहे. देशात दुसरा तर राज्यात पहिला क्रमांकावर समृद्धी ट्रॅक्टर अग्रेसर असून पुढील काळातही सेवा देण्याचे काम करीत राहील असा विश्वास धाराशिव साखर कारखान्याचे चेअरमन अभिजीत पाटील यांनी व्यक्त केला.
यावेळी भाजप जिल्हाध्यक्ष श्रीकांत देशमुख, जि.प.सदस्य अतुल पवार, व्हा.चेअरमन.विश्वनाथ चव्हाण, जेष्ठ संचालक शहाजी नलावडे, सोनालिका ट्रॅक्टरचे बलजिंदर सिसोदिया , सुबोधकुमार शर्मा , धाराशिव साखर कारखान्याचे कार्यकारी संचालक अमर पाटील, संचालक अभिजीत कदम, सुरेश सावंत, मॅनेजर सोमनाथ केसकर, मोरे, युवा नेते अभिजीत नलावडे, यासह शेतकरी,ग्राहक मान्यवर उपस्थित होते.
